<u id="qn3x8"><sub id="qn3x8"><ins id="qn3x8"></ins></sub></u>

      <u id="qn3x8"></u>
  1. <source id="qn3x8"></source>
    <i id="qn3x8"><sub id="qn3x8"></sub></i>

  2. 首頁
  3. 即時比分
  4. 籃球NBA
  5. 國際足球
  6. 中國足球
  7. 綜合體育
  8. 彩市動態
  9. 賽事分析
  10. 報紙波經
  11. 亞運會
  12. 球壇百科
  13. 首頁 > 報紙波經 > 太陽報 > 正文

    PSG有前冇后入波必多

    時間:2020-03-11 08:29:33來源:互聯網
    另一場歐聯16強次回合生死戰,法甲班霸巴黎圣日耳門(PSG)主場迎戰德甲代表多蒙特;PSG首回合落后1比2,想晉級一定要搶攻,不過佢哋后防向來唔穩陣,對住近期著曬火嘅艾寧夏蘭特及查頓辛祖好難唔失波,相信今場好大機會與首回合一樣,一有入波出現即會變成對攻局面,捧中位數3球、3球半大盤最明智。

    (Now 644、有線601及661臺周四凌晨4時直播)

    由于受新冠肺炎疫情影響,歐洲足協宣布今場將改為閉門作賽,雖然冇主場球迷打氣,但對首回合輸1比2嘅PSG嚟講已經冇得揀,必須主動搶攻爭取贏先有機會晉級;PSG賽前傳出壞消息,前鋒基利安麥巴比生病上陣成疑,連同停賽嘅中場馬高華拉堤及守將梅尼亞,未能夫添之下,戰斗力或打折扣,不過佢哋上周末聯賽同受肺炎影響須要延期,變相有更多時間休息,相比之下,多蒙特上場聯賽作客擊退前列對手慕遜加柏,體力消耗應較大,陣容不整嘅問題相信可抵銷。

    多蒙特近6作客失13球
    PSG今季喺各項賽事已經攻入128球,就算缺少麥巴比,鋒線仍有尼馬、卡云尼、莫路伊卡迪及迪馬利亞等好手,鋒力毋庸置疑,不過佢哋對上8場比賽只有1場冇失波,堤亞高施華伙拍派斯奴甘佩比嘅中路組合唔算穩陣,如果搵馬昆奴斯哥利亞打中堅,中場掃蕩能力又會減弱,面對以速度見稱嘅多蒙特鋒線肯定疲于奔命。同樣地,多蒙特近6場作客加埋失咗13球,只有1場冇失波,今場要抵擋PSG強攻亦唔容易。論人腳及整體實力,兩軍其實半斤八両,上次首回合要踢到下半場中段先由艾寧夏蘭特打破悶局,不過一係唔入,一入兩隊就喺短短8分鐘之內連轟3球,證明兩隊鋒線把握力極強,后防受壓便容易失波,PSG今場許勝不許和,相信入波會比上場嚟到早,捧3/3.5球入球大最好路。

    聲明:本網站所收集文字、圖片等內容均系網民撰寫或程序在互聯網中自動收錄轉載,文章著作權歸原作者所有,內容為作者個人觀點。轉載的目的在于非盈利傳遞更多信息及用于網絡分享,并不代表本站贊同其觀點和對其真實性負責,也不構成任何其他建議,只供參考之用。本網站不保證信息的準確性、有效性、及時性和完整性。

    如果您發現網站上有侵犯您的知識產權的作品和其它問題,請與我們取得聯系,我們會及時修改或刪除。

    返回首页