<u id="qn3x8"><sub id="qn3x8"><ins id="qn3x8"></ins></sub></u>

      <u id="qn3x8"></u>
  1. <source id="qn3x8"></source>
    <i id="qn3x8"><sub id="qn3x8"></sub></i>

  2. 首頁
  3. 即時比分
  4. 籃球NBA
  5. 國際足球
  6. 中國足球
  7. 綜合體育
  8. 彩市動態
  9. 賽事分析
  10. 報紙波經
  11. 亞運會
  12. 球壇百科
  13. 首頁 > 報紙波經 > 太陽報 > 正文

    慕遜加柏多蒙特捱細界

    時間:2020-03-07 11:43:28來源:互聯網
    對賽10連敗Vs兩硬仗跟尾
    周六晚德甲壓軸戲上演前4激戰,慕遜加柏主場迎戰多蒙特,慕遜加柏對賽10連敗輸到驚,就算主場都唔敢過分搶攻;多蒙特面對今季最繁忙同最重要嘅1星期,未來幾日要應付開季至今最重要嘅兩場比賽,好難唔分心,兩軍各有顧忌,投注首選中位數3.5球細盤。

    (Now 670、FOX+、有線651及611臺周日凌晨1時30分直播)

    慕遜加柏近9仗德甲主場8勝1和,但上次主場對賀芬咸領先后始終攞唔到保險球,最終補時被逼和跌番兩分,球隊進攻組織時好時壞,計級數始終低過拜仁、萊比錫同多蒙特,現時人腳未係爭冠材料。最慘仲係自2015年8月至今,慕遜加柏10次面對多蒙特輸曬,包括今季聯賽首循環同德國盃第2圈,擺明畀人恰死,心理冇陰影至出奇,今仗仲有主力箭頭馬古斯杜林因傷上陣成疑,相信唔敢過分急進。何況佢哋雖然落后多蒙特兩分,但仲有主場對科隆嘅補賽未踢,今仗和波對佢哋聯賽榜形勢影響唔大。

    PSG史浩克等緊多蒙特
    多蒙特喺艾寧夏蘭特加盟后,夾住全球搶手貨查頓辛祖,呢對19歲孖寶確實威力非凡,不過經過頻密賽程消耗,加上隊長馬高列奧斯同中場湯馬士迪蘭尼養傷,兵源削弱,球隊近期火力明顯降溫,近兩輪聯賽面對云達不來梅同弗賴堡只能小勝,好在防線進步大,近4場正式賽事加埋只失過1球。不過今晚對慕遜加柏嘅前4大戰,對佢哋嚟講只係未來1周分量最輕嘅比賽,因為下周三晚歐聯作客對巴黎圣日耳門,固然決定8強資格,嚟緊下周末遭遇史浩克嘅魯爾區打吡戰,對多蒙特球迷嚟講更加非勝不可,今晚預期會爭取控球拖慢節奏慳體力,兩大王牌夏蘭特同辛祖亦未必踢足,隨時同慕遜加柏斗捱「細」界。

    聲明:本網站所收集文字、圖片等內容均系網民撰寫或程序在互聯網中自動收錄轉載,文章著作權歸原作者所有,內容為作者個人觀點。轉載的目的在于非盈利傳遞更多信息及用于網絡分享,并不代表本站贊同其觀點和對其真實性負責,也不構成任何其他建議,只供參考之用。本網站不保證信息的準確性、有效性、及時性和完整性。

    如果您發現網站上有侵犯您的知識產權的作品和其它問題,請與我們取得聯系,我們會及時修改或刪除。

    返回首页